Erfiðar að­stæður gætu hjálpað Gunn­laugi

Opna bandaríska risamótið í golfi hefst í dag og er Íslendingurinn Gunnlaugur Árni Sveinsson meðal kylfinga á mótinu. Völlurinn sjálfur er erfiður og má búast við töluverðum vindi í upphafi mótsins.

„Þetta verður örugglega með hærra meðalskori sem við höfum séð á þessum fyrsta hring í sögu þessa móts. Ég held að það gæti hjálpað Gulla við að komast í gegnum niðurskurðinn, því að hann þekkir það nú heldur betur að leika í þéttu roki hérna á Íslandi, þannig að þetta eru ekki aðstæður sem ættu að koma honum í opna skjöldu.“

Undirbúningur Gunnlaugs fyrir mótið hefur verið ótrúlegur en hann hefur til að mynda leikið með stórstjörnum á borð við Bryson DeChambeau, Scottie Scheffler og Patrick Reed.

Skrekkurinn farinn

„Það mun vafalaust hjálpa honum að hann er búinn að spila með besta kylfingi í heimi og öðrum risameistara, Patrick Reed, þannig að svona skrekkurinn ætti að vera kominn úr honum núna fyrir fyrsta hring, þó að það verði alltaf auðvitað fiðringur á fyrsta degi. En hann er búinn að fara í gegnum svona óþægindin sem fylgja því að vera allt í einu með athyglina mikið á sér. En ég er mjög bjartsýnn fyrir hans hönd og hann er búinn að undirbúa sig mjög vel fyrir mótið, búinn að vera með sínu teymi að liggja yfir leikskipulaginu. En svo auðvitað kemur eitthvað rok og þá breytast kannski aðeins aðstæður en ég hef mikla trú á því að hann muni standa sig vel.“