Segist ekki hafa verið meiddur fyrir 69 sekúndna bar­dagann

Mikil eftirvænting ríkti fyrir endurkomu Conors en bardaginn gegn Halloway var hans fyrsti í fimm ár. Hann barðist síðast við Dustin Poirier í júlí 2021 en hann fótbrotnaði í þeim bardaga.

Gamanið var stutt hjá Íranum kjaftfora í endurkomunni því hann féll til jarðar þegar hann reyndi spark með vinstri fæti er 69 sekúndur voru liðnar af bardaganum. Hann reyndi að halda áfram en gaf dómaranum svo merki um að hann yrði að hætta.

Conor segir ekkert hæft í því að hann hafi verið meiddur í aðdraganda bardagans gegn Halloway.

„Ég er gjörsamlega búinn á því,“ tísti McGregor. „Eyðilagður. Ég var ekki meiddur fyrir bardagann. Ég sparkaði, stökk og lenti í aðdragandanum og líka baksviðs fyrir bardagann. Þetta kom upp úr þurru. Þetta er svartnætti. Ég get aðeins lýst þessu sem helvíti.“

Dana White, forseti UFC, telur afar ólíklegt að McGregor hafi verið meiddur fyrir bardagann. Hann hafi allavega ekki sýnt nein merki þess.