Fótbolti

Messi sektaður fyrir að slá and­stæðing

Ágúst Orri Arnarson skrifar
Messi er snúinn aftur eftir HM en sagði nýlega að hann vissi ekki hversu langt væri eftir af fótboltaferlinum. 
Messi er snúinn aftur eftir HM en sagði nýlega að hann vissi ekki hversu langt væri eftir af fótboltaferlinum.  AP Photo/Lynne Sladky

Lionel Messi hefur verið sektaður fyrir að slá Quinn Sullivan í leik Inter Miami og Philadelphia Union í MLS deildinni á miðvikudag.

Messi skoraði annað mark Miami í 2-2 jafntefli gegn Philadelphia en hann var þarna að spila sinn fyrsta leik eftir andlát föður síns.

Atvikið átti sér stað undir lok leiks. Messi sló aftan á höfuð Sullivan en hann vildi meina að Sullivan hefði gefið sér olnbogaskot skömmu áður.

MLS deildin staðfesti að Messi hefði verið sektaður fyrir agabrot en gaf ekki upp upphæð sektarinnar.

Messi var ekki sá eini sem lenti í stimpingum við Sullivan. Liðsfélagi hans hjá Miami, Ian Fray, var einnig sektaður af MLS deildinni fyrir að taka Sullivan hálstaki.

Tvö rauð spjöld fóru á loft í leiknum, Yannick Bright hjá Miami og bróður Sullivan, Cavan, voru sendir af velli í uppbótartíma. Cavan hefur reyndar fengið eins leiks banni sínu aflétt af aganefnd eftir endurskoðun.

Bandaríski fótboltinn

Mest lesið


Fleiri fréttir

Sjá meira


×

Mest lesið