Andri heldur á­fram að skora fyrir Blackburn

Blackburn lenti undir snemma, þegar Jeremy Samiento kom gestunum yfir á 12 mínútu, en heimamenn áttu eftir að snúa leiknum við í seinni hálfleik.

Andri Lucas skoraði jöfnunarmarkið með skalla, sem fór í varnarmann, eftir hornspyrnu Harry Pickering á 49. mínútu.

Todd Cantwell skoraði svo sex mínútum síðar, það sem átti eftir að reynast sigurmark leiksins.

Andri Lucas er að snúa sjóðheitur aftur úr meiðslum en hann hefur skorað þrjú mörk í fyrstu þremur leikjum tímabilsins hjá Blackburn, tvö í deild og eitt í bikarleik.

Þetta var fyrsti deildarsigur Blackburn á tímabilinu en liðið gerði 2-2 jafntefli við Wolves í fyrstu umferð.