Sjáðu svaka­lega sleggju Szoboszlai

Liverpool vann 3-1 sigur á Tottenham í kvöld. Alexis Mac Allister kom liðinu yfir um miðjan fyrri hálfleik og Cody Gakpo, sem var orðaður við Tottenham í sumar, kom liðinu í 2-0 snemma í síðari hálfleik.

Conor Gallagher minnkaði muninn eftir horn með fyrsta marki Tottenham gegn úrvalsdeildarfélagi á leiktíðinni en síðan kom sleggjan frá Szoboszlai.

Mikla rigningu gerði undir lok leiks í kvöld og hvort hún hafði eitthvað með það að gera að Szoboszlai nennti ekki öðru en að hreinlega bara bomba á markið þegar hann féll fyrir hann skal ósagt látið.

Markið er í það minnsta sjónarspil enda negldi Ungverjinn boltann í netið, alveg út við stöng, af um 30 metra færi.

Sjá má markið í spilaranum.