Innlent

Vara við nálum í hrekkjavökunammi

Freyja Þórisdóttir skrifar
Myndirnar voru birtar á hópnum Hrekkjavaka á Akureyri.
Myndirnar voru birtar á hópnum Hrekkjavaka á Akureyri. Facebook

Lögreglan á Norðurlandi eystra er með mál á sínu borði þar sem nál fannst í súkkulaðistykki sem var gefið í gær í tilefni hrekkjavökunnar. Tilkynning verður gefin út þar sem fólk á svæðinu verður varað við því að bíta í stykkin enda getur mikill skaði hlotist af.

Þetta staðfestir María Borg Gunnars varðstjóri hjá lögreglunni á Norðurlandi eystra en hún segir málið hafa verið tilkynnt nú á þriðja tímanum. Í færslu sem birt var í Facebook-hópnum Hrekkjavaka á Akureyri voru birtar myndir þar sem má sjá það sem virðist vera nál eða járnstykki inni í Mikly Way súkkulaðistykki.

Þá staðfesti María að það sé sama mál og hún hafi fengið veður af en að enginn hafi slasast með því að bíta í það stykki. Þau hjá lögreglunni muni senda út tilkynningu á Facebook-síðu sinni innan skamms til að vara við nálunum og að málið væri í rannsókn.

Fréttin er í vinnslu.

Lögreglumál

Mest lesið


Fleiri fréttir

Sjá meira


×

Mest lesið