Liverpool undir í hálfleik

Liverpool er 1-0 undir gegn Olympiakos á Anfield í loka leik B-riðils í Meistaradeild Evrópu í knattspyrnu en hálfleikur er kominn í leikina. Það var sjálfur Rivaldo sem skoraði markið beint úr aukaspyrnu, en spurningarmerki má setja við Antonio Nuez í því marki en hann hoppaði úr veggnum og bjó til gat sem Rivaldo skaut í gegnum. Liverpool hefur þó verið mun betri aðilinn og eru óheppnir að vera ekki búnir að setja mark. Í hinum leik riðilsins er Monaco að sigra Deportivo á Riazor og því Liverpool á leið útúr keppninni eins og staðan er núna. Í B-riðli er Real Madrid 1-0 yfir gegn Roma í Róm með marki frá Ronaldo. Í  hinum leiknum er ennþá markalaust hjá Bayern Leverkusen og Dynamo Kiew. Í C-riðli hefur Juventus fengið á sig sitt fyrsta mark í keppninni, en þeir eru 1-0 undir gegn Maccabi Tel-Aviv. Í hinum leiknum er staðan 1-1 hjá Ajax og Bayern Munich. Roy Makaay kom bæjurum yfir en Tomas Galasek jafnaði fimm mínútum fyrir hálfleik. Í D-riðli er markalaust hjá Man Utd og Fenerbahce en Lyon er að vinna Spörtu frá Prag 2-0. Þeir Mickael Essien og Honorato da Silva Nilmar skoruðu mörk Frakkanna.