Dudek og Hamann byrja

Rafael Benitez hefur gert þrjár breytingar á liði sínu, sem mætir Bayer Leverkusen í Meistaradeild Evrópu í kvöld, frá því í tapleiknum gegn Newcastle á laugardaginn. Inn koma Jerzy Dudek, Dietmar Hamann og Stephen Warnock, en þeir sem víkja eru Scott Carson og Vladimir Smicer sem fara á bekkinn og Mauricio Pellegrinu sem er ekki löglegur með liðinu í Meistaradeildinni í ár. Igor Biscan heldur sæti sínu í liðinu en hann átti frábæran leik í fyrri leiknum og var valinn maður leiksins. Liverpool verður án margra lykilmanna í kvöld vegna meiðsla og leikbanna, en þar ber helst að nefna Harry Kewell, Fernando Morientes, Chris Kirkland, Djibril Cissé, Xabi Alonso og Djimi Traore. Liverpool vann fyrri leikinn 3-1 á Anfield og er því í þægilegri stöðu fyrir leikinn í kvöld. Liðið: Jerzy Dudek Steve Finnan Stephen Warnock John Arne Riise Sami Hyypia Jamie Carragher Steven Gerrard Didi Hamann Igor Biscan Luis Garcia Milan Baros Bekkurinn: Scott Carson David Raven Darren Potter Vladimir Smicer John Welsh Anthony Le Tallec Antonio Nunez