Hálfleikstölur úr Meistaradeildinn

Þá er kominn hálfleikur í leikina fjóra sem fram fara í Meistaradeild Evrópu í kvöld. Á Highbury er ennþá markalaust en þar er Bayern Munchen í heimsókn hjá Skyttunum. Arsenal þarf 2-0 sigur eftir 3-1 tap í þýskalandi í fyrri leiknum. Á Stadio Delle Alpi í Tórínó er einnig markalaust en þar eigast við Juventus og Real Madrid. Juve þarf sigur í þessum leik eftir 1-0 tap á í fyrri leiknum. Í Frakklandi eigast við Monaco og PSV Eindhoven og eru gestirnir yfir 1-0. Það var Jan Vennegoor of Hesselink sem skorað marið á 27. mínútu. PSV vann fyrri leikinn í Hollandi, 1-0, og leiða því einvígið 2-0 eins og staðan er núna. Á BayArena eru heimamenn í Bayer Leverkusen kominir með annan fótinn út úr keppninni, en þar eru gestirnir frá Liverpool 0-2 yfir í leikhlé. Eftir 3-1 tap í fyrri leiknum á Anfield þarf Leverkusen nú að skora fimm mörk í síðari hálfleiknum til að komast áfram. Spánverjinn snjalli, Luis Garcia, skoraði bæði mörk Rauða Hersins með fjögurra mínútna millibili. Fyrst á 28. mínútu eftir sendingu frá Steven Gerrard, og svo aftur á þeirri 32. er hann stýrði boltanum í netið eftir skalla frá Igor Biscan.