Menn eru hræddir, segir Garcia

Luis Garcia, sóknarmaður Liverpool, segir að andstæðingar þeirra séu hræddir við liðið úr Bítlaborginni eftir vasklega framgöngu þess í Meistaradeildinni í vikunni. "Sigurinn í Þýskalandi varð til þess að viðvörunarbjöllur annarra liða hringdu. Liverpool hefur aldrei verið talið líklegt til að fara langt í Meistaradeildinni en þegar svona langt er komið þá eiga öll lið jafna möguleika. Úrslitaleikurinn á síðasta ári var óvæntur - það sama getur gerst í ár," segir Garcia.