Liverpool sló út Juventus

Liverpool tryggði sér í kvöld farseðilinn í undanúrslit Meistaradeildar Evrópu í fyrsta sinn með því að slá út Juventus en liðin gerðu markalaust jafntefli á Delle Alpi heimavelli Juve. Samtals vinnur Liverpool rimmuna 2-1 eftir sigur í fyrri leik liðanna fyrir viku. Liverpool mætir Chelsea í undanúrslitunum og fer fyrri leikur liðanna fram eftir 2 vikur eða 26. apríl. Liverpool lék þéttan varnarleik allan leikinn og átti Juventus engin svör. Juventus átti eitt hættulegt færi í seinni hálfleik þegar Fabio Cannavaro setti boltann í stöngina og af varnarmanni Liverpool á marklínuna þar sem Jerzy Dudek bjargaði. Fyrr í síðari hálfleik misnotaði Milan Baros besta færi Liverpool í leiknum þegar hann komst einn á móti Buffon markverði en skaut boltanum fram hjá. Leikur PSV Eindhoven og Lyon er farinn í framlengingu en honum lauk 1-1, eins og fyrri leik liðanna.