Sport

Houston - Indiana í beinni

Tracy McGrady og Yao Ming eru lykilmenn Houston Rockets, en liðið er ekki búið að gefa upp alla von um að ná inn í úrslitakeppnina í vor
Tracy McGrady og Yao Ming eru lykilmenn Houston Rockets, en liðið er ekki búið að gefa upp alla von um að ná inn í úrslitakeppnina í vor NordicPhotos/GettyImages

Viðureign Houston Rockets og Indiana Pacers verður sýnd í beinni útsendingu á NBA TV á Digital Ísland klukkan 1:30 eftir miðnætti í nótt. Indiana tapaði síðasta leik sínum illa á heimavelli fyrir slöku liði New York, en Houston hefur unnið þrjá leiki í röð og 13 af síðustu 17. Búist er við að Tracy McGrady verði með Houston í kvöld, en hann hefur átt við bakmeiðsli að stríða undanfarið.

Yao Ming hefur farið á kostum í liði Houston að undanförnu og skoraði 28 stig og hirti 13 fráköst að meðaltali í síðustu þremur leikjum liðsins. Það skýrist væntanlega ekki hvort McGrady verður í liði Houston fyrr en rétt áður en flautað verður til leiks.

Leikurinn í kvöld verður einnig kjörið tækifæri fyrir NBA aðdáendur til að sjá stórskyttuna Peja Stojakovic í liði Indiana Pacers, en hann gekk til liðs við félagið frá Sacramento fyrir nokkru og hefur fundið sig vel með nýja liði sínu.



Erlendar Íþróttir Körfubolti NBA

Mest lesið


Fleiri fréttir

Sjá meira


×

Mest lesið