Þriðja tap Lakers í röð

LA Lakers tapaði í nótt þriðja leik sínum í röð þegar liðið lá fyrir New York Knicks á útivelli 99-94, en liðið var án Kobe Bryant sem tók út leikbann. Miami þurfti hinsvegar ekki á Shaquille O´Neal að halda til að bursta Milwaukee og Dallas fékk góða hjálp úr óvæntri átt til að vinna Seattle.

Lamar Odom var stigahæstur í liði Lakers með 25 stig en Eddy Curry skoraði 27 stig fyrir New York.

Miami lagði Milwaukee 110-80 þar sem Dwyane Wade skoraði 28 stig fyrir Miami en Charlie Villanueva skoraði 17 stig fyrir Milwaukee.

Cleveland burstaði Golden State án LeBron James 124-97. Sasha Pavlovic skoraði 24 stig fyrir Cleveland en Baron Davis 21 fyrir Golden State.

Indiana lagði Boston 103-96 á heimavelli og var þetta 12. tap Boston í röð. Al Jefferson skoraði 15 stig og hirti 17 fráköst fyrir Boston en Jamal Tinsley skoraði 28 stig fyrir Indiana.

Washington lagði Detroit í uppgjöri tveggja af toppliðunum í Austurdeildinni 104-99. Gilbert Arenas skoraði 36 stig, gaf 11 stoðsendingar og hirti 7 fráköst fyrir Washington sem missti Antawn Jamison í meiðsli á hné. Chauncey Billups skoraði 24 stig og gaf 8 stoðsendingar hjá Detroit, en liðin unnu sitt hvora tvo leikina í einvígi sínu í vetur.

Loks vann Dallas öruggan heimasigur á Seattle 122-102 þar sem Ray Allen skoraði 35 stig fyrir Seattle en Austin Croshere skoraði 34 stig og hirti 7 fráköst fyrir Dallas og átti sinn besta leik á ferlinum. Croshere var með tæp 3 stig að meðaltali í leik fyrir leik gærkvöldsins, en fékk tækifæri í fjarveru Josh Howard sem var á fæðingardeildinni. Hann hitti úr 11 af 14 skotum sínum utan af velli og 7 af 10 þristum - allt þetta á aðeins 24 mínútum.

Staðan í NBA:

Austurdeild: 

ATLANTIC

1.     NJN     22-23      

2.     TOR     22-23      

3.     NYK     20-27      

4.     PHI     14-32      

5.     BOS     12-32      

SOUTHWEST

1.     DAL     37-9      

2.     SAS     32-14      

3.     HOU     28-16      

4.     NOR     19-25      

5.     MEM     12-34      

   

CENTRAL

1.     DET     25-18      

2.     CHI     26-19      

3.     CLE     26-19      

4.     IND     24-21      

5.     MIL     18-27   

Vesturdeild:

NORTHWEST

1.     UTH     29-17      

2.     DEN     22-20      

3.     MIN     22-22      

4.     POR     19-27      

5.     SEA     17-28      

   

SOUTHEAST

1.     WAS     27-17      

2.     ORL     23-22      

3.     MIA     20-25      

4.     ATL     16-27      

5.     CHA     16-28      

PACIFIC

1.     PHO     36-9      

2.     LAL     27-18      

3.     LAC     22-22      

4.     GSW     21-24      

5.     SAC     17-26