Fram komið áfram í 16-liða úrslit Challenge Cup eftir sigur í Tyrklandi

Framkonur unnu rétt í þessu 30-20 sigur gegn tyrkneska liðinu Anadolu University í seinni leik liðanna í 32-liða úrslitum Challenge Cup í handbolta.

Fram vann einnig fyrri leik liðanna, 27-30 og einvígið því samanlagt 57-50 og bókaði því farseðilinn í 16-liða úrslitin með stæl en báðir leikirnir fóru fram í Tyrklandi.

Sigur Fram var í raun aldei í hættu í dag en staðan í hálfleik var 18-11 Framkonum í vil. Fram hélt uppteknum hætti í síðari hálfleik og bætti heldur í ef eitthvað var.

Stella Sigurðardóttir var markhæst hjá Fram í dag með 8 mörk en Ásta Birna Gunnarsdóttir kom næst með 5 mörk.