NBA: Clippers vann óvæntan sigur á Celtics

Mögnuð flautukarfa Baron Davis tryggði LA Clippers afar óvæntan sigur á Boston Celtics í nótt. Lokatölur 92-90 fyrir Clippers.

Leikmenn Celtics voru klaufar að vinna ekki leikinn en þeir leiddu með þrem stigum þegar innan við mínúta var eftir.

Flautukarfa Davis í lokin var svo tæp að dómarar urðu að horfa á körfuna á myndbandi til þess að fá úr því skorið að hann hefði sleppt boltanum í tíma.

Þetta var annar sigur Clippers í röð á Boston í Staples Center.

Úrslit næturinnar:

Detroit-Toronto  95-102

Houston-Cleveland  83-108

Indiana-Miami  80-114

San Antonio-NY Knicks  95-88

Dallas-Denver  104-96

Boston-LA Clippers  90-92