Guðmundur búinn að velja 19 manna hóp fyrir HM

Guðmundur Guðmundsson, landsliðsþjálfari karla í handbolta, er búinn að velja 19 manna landsliðshóp fyrir HM í handbolta sem hefst í Svíþjóð 13. janúar næstkomandi.

Logi Geirsson er ekki með í HM-hóp Guðmundar þar sem hann er frá vegna meiðsla en annars hefur Guðmundur valið sitt sterkasta lið. Guðjón Valur Sigurðsson er að koma til baka eftir meiðsli og er í landsliðshópnum í fyrsta sinn í ellefu mánuði.

Landsliðið kemur saman til æfinga 3. janúar en landsliðið spilar tvo æfingaleiki við Þjóðverja hér á landi áður en liðið fer út til Svíþjóðar. Leikirnir fara baðir fram í Laugardalshöllinni.

Ísland er með Ungverjalandi, Austurríki, Noregi, Brasilíu og Japan í riðli og er fyrsti leikurinn á móti Ungverjum 14. janúar.

Landsliðshópurinn er þannig skipaður

Markverðir:

Björgvin Páll Gústavsson, Kadetten

Hreiðar Levý Guðmundsson, TV Emsdetten

Sveinbjörn Pétursson, Akureyri

Aðrir leikmenn:

Aron Pálmarsson, THW Kiel

Ingimundur Ingimundarson, AaB

Ásgeir Örn Hallgrímsson, Hannover-Burgdorf

Arnór Atlason, AG Köbenhavn

Þórir Ólafsson, N-Luebbecke

Guðjón Valur Sigurðsson, Rhein Neckar Löwen

Snorri Steinn Guðjónsson, AG Köbenhavn

Ólafur Indriði Stefánsson, Rhein Neckar Löwen

Sigurbergur Sveinsson, Rheinland

Sturla Ásgeirsson, Valur

Alexander Petersson, Fuchse Berlin

Sverre Jakobsson, Grosswallstadt

Róbert Gunnarsson, Rhein Neckar Löwen

Oddur Grétarsson, Akureyri

Vignir Svavarsson, Hannover-Burgdorf

Kári Kristján Kristjánsson, HSG Wetzlar