Umfjöllun: Tjörvi tryggði Haukum sigur

Haukar unnu í kvöld sigur á HK á Ásvöllum 29-28 í N1-deild karla. Með þessu skipta liðin um stað í deildinni og taka Haukar síðasta úrslitakeppnis-sætið um sinn.

Fyrir leikinn voru HK í fjórða sæti og Haukar í því fimmta og höfðu HK naumlega unnið báðar rimmur liðanna í deildinni.

Leikurinn var afar jafn framan af og skiptust liðin á að hafa litla forystu þar til Haukar náðu tveggja stiga forystu stuttu fyrir hlé og héldu henni fram að leikhléi. Markmenn HK vörðu aðeins tvö skot í fyrri hálfleik og voru Haukar klaufar að nýta sér það ekki betur.

Markvarslan HK fór þó í gang í seinni hálfleik og var leikurinn hnífjafn þó Haukar hefðu yfirleitt undirhöndina. Þegar aðeins sjö sekúndur voru eftir náði svo Tjörvi Þorgeirsson að skora sigurmarkið. HK brunuðu upp í sókn en Einar Örn Jónsson nýtti sér leikreynslu sína og braut á Ólafi Bjarka Ragnarssyni. Aukakastið gekk ekki upp og fögnuðu Haukamenn því gríðarlega mikilvægum sigri.

Bæði liðin eiga nú fjóra leiki eftir en HK eiga ennþá góðan möguleika á að komast í úrslitakeppnina vinni þeir sína leiki.





Haukar - HK 29 - 28 (15 – 13)Mörk Hauka (skot): Björgvin Þór Hólmgeirsson 9 (12), Tjörvi Þorgeirsson 5 (9), Einar Örn Jónsson 4 (4), Guðmundur Árni Ólafsson 3 (5), Þórður Rafn Guðmundsson 3 (6), Stefán Rafn Sigurmannsson 2 (7), Freyr Brynjarsson 2 (2), Heimir Óli Heimisson 1 (1).

Varin skot: Birkir Ívar Guðmundsson 14 (34/2, 41%), Aron Rafn Eðvarðsson 3/1 (10/2, 30%).

Hraðaupphlaup: 1 (Freyr Brynjarsson).

Fiskuð víti: 4 (Björgvin Þór Hólmgeirsson 2, Freyr Brynjarsson, Tjörvi Þorgeirsson).

Utan vallar: 10 mínútur ( Heimir Óli Heimisson 2, Björgvin Þór Hólmgeirsson, Freyr Brynjarsson, Stefán Rafn Sigurmannsson)

Mörk HK (skot): Bjarki Már Elísson 11/3 (12/4), Ólafur Bjarki Ragnarsson 4 (11), Vilhelm Gauti Bergsveinsson 4 (11), Atli Karl Backmann 3 (4), Atli Ævar Ingólfsson 3 (5), Daníel Berg Grétarsson 1 (4), Sigurjón Björnsson 1 (2), Bjarki Már Gunnarsson 1 (1)

Varin skot: Björn Ingi Friðþjófsson 9 (29/4 31%), Andreas Örn Aðalsteinsson 0 (8, 0%)

Hraðaupphlaupsmörk: 2 (Bjarki Már Elísson 2)

Fiskuð víti: 4 (Atli Ævar Ingólfsson 2, Atli Karl Backmann, Ólafur Bjarki Ragnarsson)

Utan vallar: 6 mínútur( Atli Ævar Ingólfsson 2, Kristinn Guðmundsson)