Pabbi Kobe orðinn aðstoðarþjálfari hjá kvennaliði LA Sparks

Joe "Jellybean" Bryant, faðir NBA-leikmannsins Kobe Bryant hjá Los Angeles Lakers, hefur tekið að sér aðstoðarþjálfarastöðu hjá WNBA-liðinu Los Angeles Sparks en hann þjálfaði liðið á árunum 2005 til 2006.

Bryant hafði starfað síðast sem þjálfari hjá japanska karlaliðinu Raru Kamuy Hokkaido sem spilaði í úrvalsdeildinni í Japan. Hann hafði líkað þjálfað um tíma á Ítalíu.

Joe Bryant er orðinn 56 ára gamall en hann spilaði sjálfur í NBA-deildinni með Philadelphia 76ers (1975-1978), San Diego Clippers (1979-1982) og Houston Rockets (1982-83) áður en hann fór til Ítalíu þar sem hann spilaði frá 1984 til 1991.

Bryant mun aðstoða Jennifer Gillom sem er aðalþjálfari Sparks-liðsins og mun verða annar af tveimur aðstoðarmönnum hennar. Hin er Sandy Brondello sem var var aðalþjálfari San Antonio í fyrra.