Handboltaveisla þegar FH vann Meistarakeppni HSÍ - myndir

Handboltatímabilið hófst með veislu í Kaplakrika í gær þegar FH sigraði Val 39-38 eftir tvær framlengingar og vítakeppni í Meistarakeppni HSÍ í gær í sannkölluðum háspennuleik.

Sturla Ásgeirsson skaut í slá í síðasta víti Valsmanna en það var Baldvin Þorsteinsson skoraði úr síðasta víti FH-inga. Sturla átti annars flottan leik go skoraði ellefu mörk en Andri Berg Haraldsson skoraði fimmtán mörk fyrir FH í leiknum.

Vilhelm Gunnarsson, ljósmyndari Fréttablaðsins og Vísis, var á leik FH og Vals í Kaplakrika í gær og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.