Afbrigðilegt veðurfar hrjáir jarðarbúa næstu árin

Í nýrri skýrslu frá IPCC loftslagsráði Sameinuðu þjóðanna mun afbrigðilegt veðurfar halda áfram að hrjá jarðarbúa næstu árin.

Skýrslan hefur ekki verið gerð opinber enn en AP fréttastofan hefur komist yfir eintak af henni.

Í skýrslunni segir að áfram verði mikið um gífurlegar rigningar, verulega þurrka, fellibyli og annað afbrigðilegt veðurfar á jörðinni eins og jarðarbúar hafa upplifað á síðustu tveimur árum.

Kostnaðurinn samfara þessu veðurfari muni stóraukast og víðáttumikil svæði á jörðinni verða óbyggileg ef heldur sem horfir. IPCC telur að hlýnun jarðar valdi þessu afbrigðilega veðurfari.