Fimmtíu sekúndna bæting á einu ári Óskar Ófeigur Jónsson skrifar 15. desember 2011 07:30 Anton Sveinn McKee var sigursælasti íslenski sundmaðurinn á Norðurlandamóti unglinga með fjögur gull og sjö verðlaun. Mynd/Hag Sund Óhætt er að segja að hinn 18 ára gamli Anton Sveinn McKee hafi stigið stór og söguleg skref á árinu 2011. Hann hefur bætt sig gríðarlega á árinu og sló „eldgömul" met í 1.500 metra skriðsundi í bæði 25 og 50 metra laug. Hápunkturinn var þó um helgina þegar hann var næstum því búinn að synda 1.500 metrana á undir fimmtán mínútum og stóð alls fjórum sinnum efstur á palli sem Norðurlandameistari í sínum aldursflokki. Nýja tæknin svínvirkaðiMynd/Anton„Við ætluðum að toppa þarna og það tókst. Ég bjóst ekki við að synda svona hratt í 1.500 metrunum. Við vorum að þróa nýja tækni og hún bara svínvirkaði. Ég bætti mig mjög mikið og náði næstum því að rjúfa fimmtán mínútna múrinn. Það kemur bara næst. Ég var sáttur við bætinguna í 1.500 metrunum og eftir að ég náði því var bara gaman að synda allt hitt," sagði Anton, sem sér ekki eftir tímanum sem fer í sundið. „Þetta tekur sinn tíma. Ég er að fórna ýmsu fyrir þetta en ég fæ líka mikið í staðinn, eins og þessa helgi sem dæmi," segir Anton. Fyrir einu ári vann Anton Sveinn til silfurverðlauna í 1.500 metra skriðsundi á Norðurlandamóti unglinga og kom þá í mark á 15:52.17 mínútum, sem var bæting á hans besta tíma. Tólf mánuðum síðar átti enginn möguleika í Anton Svein í úrslitasundinu á NMU, þar sem hann synti 1.500 metrana á 15:01,35 mínútum og bætti sitt eigið Íslandsmet um 22,62 sekúndur. Anton hafði tekið ellefu ára Íslandsmet af Erni Arnarsyni á Íslandsmeistaramótinu á dögunum en sló nú í leiðinni annað ellefu ára Íslandsmet Arnar í 800 metra skriðsundi. „Norsku og dönsku þjálfurunum þótti mikið til þess koma hvað hann er búinn að bæta sig mikið á stuttum tíma," sagði þjálfari hans, Jacky Pellerin. Góð fyrirmynd í JakobiMynd/AntonAnton segist hafa góða fyrirmynd með sér í Ægi. „Jakob (Jóhann Sveinsson) er rosalega flottur sundmaður og það er ekki hægt annað en að líta upp til hans. Hann er bæði mikil fyrirmynd í sundlauginni en líka hvernig hann hagar sínu lífi utan hennar. Það er hægt að læra mikið af honum. Kannski verð ég í þessu jafnlengi og Kobbi," segir Anton í léttum tón, en hann fylgist líka vel með uppgangi sundmanns frá Færeyjum. „Færeyingurinn Pál Joensen er alltaf flott fyrirmynd. Hann er rosalega flottur langsundmaður. Hann er að koma sterkur upp og er farinn að stimpla sig inn með bestu langsundmönnum í heimi. Það er gaman að geta litið upp til frænda síns úr Færeyjum," segir Anton. Jacky sá þetta á undan mérAnton er fæddur árið 1993 og segist hafa valið sundið þegar hann var krakki. Hann var þó aldrei viss um að geta náð svona langt fyrr en þjálfari hans sagði það. „Við erum með góðan þjálfara og það hjálpar mikið. Hann kann þetta alveg og hefur þjálfað marga Ólympíufara. Hann er reynslubolti og kröfuharður eins og allir alvöru þjálfarar. Jacky var búinn að sjá það á undan mér að ég gæti náð langt. Hann sagði mér að ég gæti þetta og svo gerðist það allt. Síðasta ár er búið að vera mjög gott," segir Anton um hinn franska þjálfara sinn Jacky Pellerin. „Það var rosalega gaman að taka metið hans Arnar um helgina. Maður nær oftast metinu í 800 metrum með 1.500 metrunum. Ég náði því ekki á Íslandmeistaramótinu en náði því núna," segir Anton og fram undan eru spennandi tímar. Þarf að bæta sig um 30 sekúndurMynd/Anton„Það er markmiðið núna að komast inn á Ólympíuleikana. Við erum að fara í æfingabúðir á Flórída og ætlum að æfa þar á fullu til þess að reyna að komast eins nálægt Ólympíulágmörkunum og hægt er. Vonandi náum við því," segir Anton, en kunnugir eru bjartsýnir eftir árangur helgarinnar enda er Anton jafnvel betri í löngu brautinni en þeirri stuttu. „Ég er núna 30 sekúndum frá lágmarkinu en í 25 metra lauginni bætti ég mig um 50 sekúndur á einu ári þannig að ég gæti náð þessu. 30 sekúndur eru mikið en ég vona það besta," segir Anton. Innlendar Sund Mest lesið Ísak veit að hann verður hataður: „Ungur strákur átti sér draum“ Fótbolti Magnus Carlsen brjálaðist og lamdi í skákborðið Sport Edda Sif fyrst kvenna kjörin formaður SÍ Sport Dómarinn fékk gult spjald og glotti Fótbolti Beckham óánægður með hegðun leikmanna Manchester United Enski boltinn Hákon mun slást við Kelleher um stöðuna Enski boltinn „Lengi dreymt um að keppa við þá“ Golf „Heimsmeistaramót félagsliða hefur okkur að féþúfu“ Fótbolti Sjáðu miðjumark Sverris, tvennu Tobiasar, rautt á Alex og Atla stela sigri Íslenski boltinn Sakaður um viljandi árekstur: „Bara séð svona í leikjum og go-kart“ Formúla 1 Fleiri fréttir Man. City vill fá bakvörð frá Úlfunum Svona var blaðamannafundur Íslands fyrir Frakklandsleikinn Edda Sif fyrst kvenna kjörin formaður SÍ KA fer beint í aðra umferð Beckham óánægður með hegðun leikmanna Manchester United „Getum alveg fundið glufur“ gegn Frakklandi Átti stórleik degi eftir að systir hans lést Magnus Carlsen brjálaðist og lamdi í skákborðið Heiðrún og Jóhannes unnu Hvaleyrarbikarinn í fyrsta sinn „Heimsmeistaramót félagsliða hefur okkur að féþúfu“ „Lengi dreymt um að keppa við þá“ Átta leikir í röð án sigurs ekki áhyggjuefni Hákon mun slást við Kelleher um stöðuna Sjóðheitur Scheffler tryggði titil sem aðeins Tiger hafði tekist að verja Sjáðu miðjumark Sverris, tvennu Tobiasar, rautt á Alex og Atla stela sigri Fögnuðu með skrúðgöngu í skugga óeirða Ísak veit að hann verður hataður: „Ungur strákur átti sér draum“ Dagskráin í dag: Litrík umferð gerð upp í Stúkunni Dómarinn fékk gult spjald og glotti Sakaður um viljandi árekstur: „Bara séð svona í leikjum og go-kart“ „Þetta mark átti ekki að telja“ „Verður ekkert frí í þessu landsleikjahléi“ „Gott veganesti inn í kærkomið frí“ „Á köflum kaffærðum við þá alveg“ Leik lokið: Breiðablik - Víkingur 3-1 | Allt í hnút á toppnum „Erum með sjö stigum meira en á sama tíma í fyrra“ Uppgjörið: FH - Afturelding 0-0| Markalaust í bragðdaufum leik Uppgjörið: ÍA - ÍBV 0-3 | Eyjamenn fara með tvo sigurleiki á bakinu inn í hléið Uppgjörið: KA - Stjarnan 1-1 | Náðu að lokum að jafna gegn tíu gestum Óskar Hrafn: Sem betur fer hlusta stuðningsmenn KR ekki mikið á umræðuna Sjá meira
Sund Óhætt er að segja að hinn 18 ára gamli Anton Sveinn McKee hafi stigið stór og söguleg skref á árinu 2011. Hann hefur bætt sig gríðarlega á árinu og sló „eldgömul" met í 1.500 metra skriðsundi í bæði 25 og 50 metra laug. Hápunkturinn var þó um helgina þegar hann var næstum því búinn að synda 1.500 metrana á undir fimmtán mínútum og stóð alls fjórum sinnum efstur á palli sem Norðurlandameistari í sínum aldursflokki. Nýja tæknin svínvirkaðiMynd/Anton„Við ætluðum að toppa þarna og það tókst. Ég bjóst ekki við að synda svona hratt í 1.500 metrunum. Við vorum að þróa nýja tækni og hún bara svínvirkaði. Ég bætti mig mjög mikið og náði næstum því að rjúfa fimmtán mínútna múrinn. Það kemur bara næst. Ég var sáttur við bætinguna í 1.500 metrunum og eftir að ég náði því var bara gaman að synda allt hitt," sagði Anton, sem sér ekki eftir tímanum sem fer í sundið. „Þetta tekur sinn tíma. Ég er að fórna ýmsu fyrir þetta en ég fæ líka mikið í staðinn, eins og þessa helgi sem dæmi," segir Anton. Fyrir einu ári vann Anton Sveinn til silfurverðlauna í 1.500 metra skriðsundi á Norðurlandamóti unglinga og kom þá í mark á 15:52.17 mínútum, sem var bæting á hans besta tíma. Tólf mánuðum síðar átti enginn möguleika í Anton Svein í úrslitasundinu á NMU, þar sem hann synti 1.500 metrana á 15:01,35 mínútum og bætti sitt eigið Íslandsmet um 22,62 sekúndur. Anton hafði tekið ellefu ára Íslandsmet af Erni Arnarsyni á Íslandsmeistaramótinu á dögunum en sló nú í leiðinni annað ellefu ára Íslandsmet Arnar í 800 metra skriðsundi. „Norsku og dönsku þjálfurunum þótti mikið til þess koma hvað hann er búinn að bæta sig mikið á stuttum tíma," sagði þjálfari hans, Jacky Pellerin. Góð fyrirmynd í JakobiMynd/AntonAnton segist hafa góða fyrirmynd með sér í Ægi. „Jakob (Jóhann Sveinsson) er rosalega flottur sundmaður og það er ekki hægt annað en að líta upp til hans. Hann er bæði mikil fyrirmynd í sundlauginni en líka hvernig hann hagar sínu lífi utan hennar. Það er hægt að læra mikið af honum. Kannski verð ég í þessu jafnlengi og Kobbi," segir Anton í léttum tón, en hann fylgist líka vel með uppgangi sundmanns frá Færeyjum. „Færeyingurinn Pál Joensen er alltaf flott fyrirmynd. Hann er rosalega flottur langsundmaður. Hann er að koma sterkur upp og er farinn að stimpla sig inn með bestu langsundmönnum í heimi. Það er gaman að geta litið upp til frænda síns úr Færeyjum," segir Anton. Jacky sá þetta á undan mérAnton er fæddur árið 1993 og segist hafa valið sundið þegar hann var krakki. Hann var þó aldrei viss um að geta náð svona langt fyrr en þjálfari hans sagði það. „Við erum með góðan þjálfara og það hjálpar mikið. Hann kann þetta alveg og hefur þjálfað marga Ólympíufara. Hann er reynslubolti og kröfuharður eins og allir alvöru þjálfarar. Jacky var búinn að sjá það á undan mér að ég gæti náð langt. Hann sagði mér að ég gæti þetta og svo gerðist það allt. Síðasta ár er búið að vera mjög gott," segir Anton um hinn franska þjálfara sinn Jacky Pellerin. „Það var rosalega gaman að taka metið hans Arnar um helgina. Maður nær oftast metinu í 800 metrum með 1.500 metrunum. Ég náði því ekki á Íslandmeistaramótinu en náði því núna," segir Anton og fram undan eru spennandi tímar. Þarf að bæta sig um 30 sekúndurMynd/Anton„Það er markmiðið núna að komast inn á Ólympíuleikana. Við erum að fara í æfingabúðir á Flórída og ætlum að æfa þar á fullu til þess að reyna að komast eins nálægt Ólympíulágmörkunum og hægt er. Vonandi náum við því," segir Anton, en kunnugir eru bjartsýnir eftir árangur helgarinnar enda er Anton jafnvel betri í löngu brautinni en þeirri stuttu. „Ég er núna 30 sekúndum frá lágmarkinu en í 25 metra lauginni bætti ég mig um 50 sekúndur á einu ári þannig að ég gæti náð þessu. 30 sekúndur eru mikið en ég vona það besta," segir Anton.
Innlendar Sund Mest lesið Ísak veit að hann verður hataður: „Ungur strákur átti sér draum“ Fótbolti Magnus Carlsen brjálaðist og lamdi í skákborðið Sport Edda Sif fyrst kvenna kjörin formaður SÍ Sport Dómarinn fékk gult spjald og glotti Fótbolti Beckham óánægður með hegðun leikmanna Manchester United Enski boltinn Hákon mun slást við Kelleher um stöðuna Enski boltinn „Lengi dreymt um að keppa við þá“ Golf „Heimsmeistaramót félagsliða hefur okkur að féþúfu“ Fótbolti Sjáðu miðjumark Sverris, tvennu Tobiasar, rautt á Alex og Atla stela sigri Íslenski boltinn Sakaður um viljandi árekstur: „Bara séð svona í leikjum og go-kart“ Formúla 1 Fleiri fréttir Man. City vill fá bakvörð frá Úlfunum Svona var blaðamannafundur Íslands fyrir Frakklandsleikinn Edda Sif fyrst kvenna kjörin formaður SÍ KA fer beint í aðra umferð Beckham óánægður með hegðun leikmanna Manchester United „Getum alveg fundið glufur“ gegn Frakklandi Átti stórleik degi eftir að systir hans lést Magnus Carlsen brjálaðist og lamdi í skákborðið Heiðrún og Jóhannes unnu Hvaleyrarbikarinn í fyrsta sinn „Heimsmeistaramót félagsliða hefur okkur að féþúfu“ „Lengi dreymt um að keppa við þá“ Átta leikir í röð án sigurs ekki áhyggjuefni Hákon mun slást við Kelleher um stöðuna Sjóðheitur Scheffler tryggði titil sem aðeins Tiger hafði tekist að verja Sjáðu miðjumark Sverris, tvennu Tobiasar, rautt á Alex og Atla stela sigri Fögnuðu með skrúðgöngu í skugga óeirða Ísak veit að hann verður hataður: „Ungur strákur átti sér draum“ Dagskráin í dag: Litrík umferð gerð upp í Stúkunni Dómarinn fékk gult spjald og glotti Sakaður um viljandi árekstur: „Bara séð svona í leikjum og go-kart“ „Þetta mark átti ekki að telja“ „Verður ekkert frí í þessu landsleikjahléi“ „Gott veganesti inn í kærkomið frí“ „Á köflum kaffærðum við þá alveg“ Leik lokið: Breiðablik - Víkingur 3-1 | Allt í hnút á toppnum „Erum með sjö stigum meira en á sama tíma í fyrra“ Uppgjörið: FH - Afturelding 0-0| Markalaust í bragðdaufum leik Uppgjörið: ÍA - ÍBV 0-3 | Eyjamenn fara með tvo sigurleiki á bakinu inn í hléið Uppgjörið: KA - Stjarnan 1-1 | Náðu að lokum að jafna gegn tíu gestum Óskar Hrafn: Sem betur fer hlusta stuðningsmenn KR ekki mikið á umræðuna Sjá meira