Rubio með slitið krossband | Missir af ÓL í sumar

Hinn stórefnilegi leikmaður Minnesota Timberwolves, Ricky Rubio, spilar ekki meira með liðinu í vetur eftir að í ljós kom í dag að hann er með slitið krossband.

Þetta er gríðarlegt áfall fyrir Úlfana sem og Rubio en hann hafði sýnt mögnuð tilþrif í vetur. Rubio meiddist í leiknum gegn Lakers á föstudag.

Rubio, sem er á sínu fyrsta ári í NBA-deildinni, verður frá í sex til níu mánuði og þar af leiðandi getur hann ekki heldur spilað með Spánverjum á Ólympíuleikunum í sumar.

Rubio, 21 árs, var valinn fimmti í nýliðavalinu og er búinn að skora 10,6 stig og gefa 8,2 stoðsendingar að meðaltali í leik í vetur.