Del Negro verður áfram með Clippers

Forráðamenn LA Clippers hafa staðfest að Vinny del Negro verði áfram þjálfari félagsins næsta vetur. Del Negro náði besta árangri í sögu félagsins með liðið í vetur.

Clippers nýtti sér ákvæði í samningi til þess halda þjálfaranum en Del Negro er með lausan samning að ári. Portland hefur þegar sýnt áhuga á að fá hann þá.

Clippers vann 40 leiki í vetur en tapaði 26 sem gerir 60,6 prósent vinningshlutfall. Slíkt hlutfall hafa stuðningsmenn Clippers ekki séð áður.

"Það er spennandi að halda þessu áhugaverða verkefni áfram," sagði Del Negro.