Valskonur fara á Egilsstaði

Valur hefur titilvörn sína í Borgunarbikar kvenna með því að fara austur á Egilsstaði og leika gegn Hetti í 16-liða úrslitum.

Dregið var í höfuðstöðvum KSÍ í hádeginu í dag en í í pottinum voru þau sex lið sem komust í gegnum fyrstu tvær umferðir keppninnar auk þess sem liðin tíu úr Pepsi-deild kvenna hefja nú leik.

Enginn stórslagur sem slíkur er í 16-liða úrslitunum en topplið Pepsi-deildar kvenna, Þór/KA, mætir Keflavík á útivelli.

Leikirnir fara fram dagana 29. og 30. júní næstkomandi.

Borgunarbikar kvenna:

KR - HK/Víkingur

Selfoss - FH

ÍBV - Breiðablik

Stjarnan - Fjölnir

Höttur - Valur

Keflavík - Þór/KA

Afturelding - ÍA

Fylkir - Haukar