Guðjón Valur verður ekki með gegn Hollandi í kvöld

Guðjón Valur Sigurðsson verður ekki með íslenska landsliðinu í handknattleik gegn Hollendingum í fyrri leik liðana um laust sæti á heimsmeistaramótinu á Spáni sem fram fer árið 2013.

Guðmundur Guðmundsson, landsliðsþjálfari Íslands, tilkynnti þetta í viðtali við íþróttadeild Stöðvar 2 og Bylgjunnar í hádeginu en Guðjón Valur er tognaður í kálfa.

Sverre Jakobsson og Ásgeir Örn Hallgrímsson verða einnig fjarri góðu gamni í kvöld en Sverre er að glíma við smávægileg meiðsli og Ásgeir Örn fær frí af persónulegum ástæðum þar sem hann eignaðist barn á dögunum. Leikurinn gegn Hollandi fer fram kl 18:30 í Laugardalshöllinni.