Doc og Rondo slógust næstum því

Það er mikil óvissa með framtíðina hjá Boston Celtics. Doc Rivers verður líklega ekki þjálfari liðsins áfram og þeir Paul Pierce og Kevin Garnett eru líklega á förum.

Rivers ku ekki hafa áhuga á því að byggja upp nýtt lið hjá Celtics en alger óvissa ríkir enn um alla þessa hluti.

Rivers hefur meðal annars verið orðaður við LA Clippers en sögur um framtíð Celtics birtast daglega.

Ein af aðalástæðunum fyrir því að Rivers er að spá í að hætta er sú að ekki er gott á milli hans og leikstjórnandans Rajon Rondo. Sögur herma að þeir hafi næstum slegist á liðsfundi síðasta vetur.

Þurfti að stía þá í sundur áður en illa færi.