West framlengir við Pacers

David West var afar mikilvægur hlekkur í liði Indiana Pacers sem var ekki fjarri því að slá meistara Miami Heat úr leik í úrslitum NBA-deildarinnar.

Rimma liðanna í úrslitum Austurdeildar fór í sjö leiki og þar hafði Miami betur eftir hörkuleik.

Eitt af lykilatriðum forráðamanna Indiana var að halda West og það hefur tekist því hann er búinn að skrifa undir nýjan þriggja ára samning við félagið.

Ekki má greina frá nýja samningnum fyrr en 10. júlí en AP segist hafa skotheldar heimildir fyrir því að allt sé klárt.

West mun fá 36 milljónir dollara eða 4,5 milljarða íslenskra króna fyrir samninginn.