Hallgrímur skoraði í tapi

Húsvíkingurinn Hallgrímur Jónasson skoraði eina mark SönderjyskE í 3-1 tapi gegn AGF á útivelli í dönsku úrvalsdeildinni í knattspyrnu í kvöld.

Hallgrímur kom gestunum yfir strax á fjórðu mínútu með skalla eftir hornspyrnu. AGF jafnaði metin skömmu síðari og bætti við tveimur mörkum með skömmu millibili í síðari hálfleik. Hallgrímur fékk gult spjald í síðari hálfleik.

SönderjyskE er í 9. sæti deildarinnar með fimm stig eftir sex umferðir. Önnur lið í deildinni eiga þó leik til góða.