LeBron James meðal fólksins í Miami í nýrri auglýsingu

NBA-deildin hefst annað kvöld með þremur leikjum og margir bíða spenntir eftir því þegar Chicago Bulls heimsækir NBA-meistara Miami Heat. LeBron James, besti leikmaður deildarinnar, er klár í slaginn og ætlar sér þriðja titilinn í röð.

LeBron James er vanur að leggja mikið á sig á milli tímabila til að bæta sinn leik og þessi vinnusemi kappans er notuð á táknrænan hátt í nýrri tæplegra tveggja mínútna auglýsingu frá Nike Basketball sem heitir "Training Day"

Þetta er ekki fyrsta auglýsing LeBron og Nike en hún er allt öðruvísi en þær sem á undan fóru enda hafa þær flestar meira snúist um grín.

Að þessu sinni er LeBron James á ferðinni um Miami þar sem fjöldi fólks safnast í kringum hann á meðan hann æfir og sinnir um leið áhugasömum aðdáendum.

Auglýsingin byrjar og endar fyrir fram heimili Lebron en það er hægt að sjá þessi skemmtilegu auglýsingu hér fyrir neðan.