James fengið flest atkvæði í Stjörnuleikinn

Þó svo ekki sé mikið liðið af tímabilinu í NBA-deildinni er þegar hægt að kjósa leikmenn í Stjörnuleik deildarinnar. Er ávallt áhugavert að sjá hvaða leikmenn eru vinsælastir hverju sinni.

LeBron James hefur fengið flest atkvæði það sem af er eða 609.336 atkvæði. Kevin Durant er annar með um 2.000 færri atkvæði. Paul George er með 489 þúsund atkvæði á bak við sig og Carmelo Anthony 424 þúsund.

Kobe Bryant er kominn með rúmlega 500 þúsund atkvæði og Chris Paul er með tæplega 400 þúsund. Aðrir nálægt 400 þúsundunum eru Dwayne Wade og Kyrie Irving.

Stjörnuleikurinn að þessu sinni fer fram í New Orleans þann 16. febrúar.