Fimm NBA-leikmenn taka þátt í sínum fyrsta Stjörnuleik

Í nótt varð ljóst hvaða leikmenn taka þátt í Stjörnuleik NBA-deildarinnar í körfubolta í ár en áður var búið að gefa út hvaða leikmenn aðdáendur kusu inn í byrjunarliðin fyrir leikinn sem fer fram í New Orleans 16. febrúar næstkomandi.

Houston Rockets og Portland Trail Blazers áttu bæðu tvo leikmenn sem voru valdir á varamannabekkinn í Stjörnuleiknum en besta lið deildarinnar, Indiana Pacers, fékk bara einn leikmann á bekkinn í Austurdeildinni.

Potland-mennirnir LaMarcus Aldridge og Damian Lillard sem og Houston-mennirnir Dwight Howard og James Harden verða með í leiknum en þetta verður fyrsti Stjörnuleikurinn hjá Lillard.

Lillard er þó ekki sá eini sem var valinn í sinn fyrsta Stjörnuleik en það voru einnig þeir Paul Millsap (Atlanta Hawks), John Wall (Washington Wizards) og DeMar DeRozan, Toronto Raptors. Stephen Curry (Golden State Warriors) sem var valinn í byrjunarlið Vesturdeildarinnar er einnig að fara að spila sinn fyrsta Stjörnuleik.

Meðal þeirra sem voru inn í myndinni en komust ekki í Stjörnuleikinn eru leikmenn eins og þeir Lance Stephenson (Indiana Pacers), Goran Dragic (Phoenix Suns), Mike Conley Jr. (Memphis Grizzlies) og DeAndre Jordan (Los Angeles Clippers).

Adam Silver, sem tekur við David Stern á morgun sem nýr yfirmaður NBA-deildarinnar, ákveður hvaða leikmaður kemur í staðinn fyrir Kobe Bryant sem er meiddur.

Frank Vogel (Indiana Pacers) og Scott Brooks (Oklahoma City Thunder) munu þjálfa liðin og Brooks mun ákveða það hver kemur inn í byrjunarlið Vesturdeildarinnar í stað Kobe Bryant.



Austurdeildin:

Byrjunarliðið

Bakvörður - Dwyane Wade, Miami Heat (10. sinn)

Bakvörður - Kyrie Irving, Cleveland Cavaliers (2. sinn)

Framherji - LeBron James, Miami Heat (10. sinn)

Framherji - Paul George, Indiana Pacers (2. sinn)

Framherji - Carmelo Anthony, New York Knicks (7. sinn)

Bekkurinn

Miðherji - Joakim Noah, Chicago Bulls (2. sinn)

Miðherji - Roy Hibbert, Indiana Pacers (2. sinn)

Framherji - Chris Bosh, Miami Heat (9. sinn)

Framherji - Paul Millsap, Atlanta Hawks (Nýliði)

Bakvörður - John Wall, Washington Wizards (Nýliði)

Bakvörður - Joe Johnson, Brooklyn Nets (7. sinn)

Bakvörður - DeMar DeRozan, Toronto Raptors (Nýliði)

Vesturdeildin:

Byrjunarliðið

Bakvörður - Stephen Curry, Golden State Warriors (Nýliði)

Bakvörður - Kobe Bryant, Los Angeles Lakers (16. sinn)

Framherji - Kevin Durant, Oklahoma City Thunder (5. sinn)

Framherji - Blake Griffin, Los Angeles Clippers (4. sinn)

Framherji - Kevin Love, Minnesota Timberwolves (3. sinn)

Bekkurinn

Miðherji - Dwight Howard, Houston Rockets (8. sinn)

Framherji - LaMarcus Aldridge, Portland Trail Blazers (3. sinn)

Framherji - Dirk Nowitzki, Dallas Mavericks (12. sinn)

Bakvörður - Chris Paul, Los Angeles Clippers (7. sinn)

Bakvörður - James Harden, Houston Rockets (2. sinn)

Bakvörður - Tony Parker, San Antonio Spurs (6. sinn)

Bakvörður - Damian Lillard, Portland Trail Blazers (Nýliði)