Þórður Rafn fékk 800 þúsund krónur fyrir sigur á atvinnumannamóti

GR-ingurinn Þórður Rafn Gissurason vann sitt fyrsta mót á atvinnumannamótaröð um helgina.

Hann bar sigur úr býtum á móti á Jamega-mótaröðinni, en þar vann hann tveggja daga mót sem fram fór á Englandi.

Þórður Rafn lék á 67 höggum fyrri hringinn og 68 á þeim síðari og lauk keppni á samtals fimm höggum undir pari.

„Fékk 800 þús krónur fyrir sigurinn. Ótrúlega ánægður með lífið. Vonandi verður tempóið í gangi út árið,“ skrifaði Þórður Rafn kampakátur á Facebook-síðu sína eftir sigurinn.