Ísland í 32. sæti eftir annan keppnisdag

Guðrún Brá Björgvinsdóttir, Keili, lék annan hringinn á HM áhugamanna í Japan á 72 höggum, en hún situr í 57. sæti í einstaklingskeppninni. Hún hefur leikið hringina tvo á 147 höggum, eða þremur höggum yfir pari.

Ólafía Þórunn Kristinsdóttir, GR, er í 70. sæti á 149 höggum (+5) og Sunna Víðisdóttir, GR, í 115. sæti, en hún hefur leikið hringina tvo á 156 höggum (+12).

Íslenska liðið hefur leikið hringina tvo á 296 höggum, eða átta yfir pari. Ísland situr í 32. sæti af 50 liðum. Kanada situr í efsta sæti á 274 höggum.