Fótbolti

Barcelona spænskur meistari annað árið í röð | Sjáðu mörkin

Anton Ingi Leifsson skrifar
Barcelona er spænskur meistari í knattspyrnu, en liðið tryggði sér titilinn með 3-0 sigri á Granada í lokaumferðinni í dag.

Luis Suarez kom Barcelona yfir á 22. mínútu og Suarez var aftur á ferðinni sextán mínútum síðar þegar hann skoraði eftir fyrirgjöf Daniel Alves.

Staðan var 2-0 í hálfleik og gestirnir frá Barcelona tóku enga sénsa í síðari hálfleik. Suarez var ekki hættur og hann fullkomnaði þrennu sína fjórum mínútum fyrir leikslok.

Úrúgvæinn farið á kostum á tímabilinu, en hann skoraði 40 mörk í deildinni í vetur. Lokatölur 3-0.

Þetta er annað tímabilið í röð sem Barcelona verður spænskur meistari, en liðið endaði á toppnum með 91 stig. Næstir komu erkifjendurnir í Real Madrid með 90.

Spænski boltinn

Mest lesið


Fleiri fréttir

Sjá meira


×

Mest lesið