Alves: Þetta var orðið of auðvelt hjá Barca

Dani Alves hefur ákveðið að yfirgefa Barcelona og segir hann að ástæðan sé að hlutirnir voru orðnir of auðveldir á Spáni.

Alves, sem er 33 ára, ákvað að semja ekki aftur við Barca en hann hefur verið hjá félaginu í átta ár og unnið þar 23 titla.

„Maður þarf stundum að stíga út fyrir þægindarammann  og þannig vil ég lifa lífinu. Barcelona er ótrúlegt félag, en þetta var bara orðið og auðvelt og þægilegt,“ segir Alves í samtali við Gazzetta dello Sport.

„Ég elska að takast á við mismunandi áskoranir og ég vona að ég komist í flottan klúbb í Evrópu,“ en Alves er sterklega orðaður við ítölsku meistarana í Juventus.