Zidane vill selja James

Zinedine Zidane, knattspyrnustjóri Real Madrid, vill selja Kólumbíumanninn James Rodriguez fyrir lok félagaskiptagluggans en þetta segir hinn virti spænski blaðamaður Guillem Balague.

Rodriguez hefur verið orðaður við mörg lið í Evrópu í sumar og meðal annars hafa forráðamenn Juventus sýnt áhuga.

James var ekki í byrjunarliðinu gegn Real Sociedad um síðustu helgi. „Chelsea hefur ekki boðið í leikmanninn og ég héld að félagið sé ekki reiðubúið að borga uppsett verð fyrir hann,“ sagði Balague í samtali við Sky Sports.

„Zidane vill losna við leikmanninn en hann sjálfur vill vera áfram. Hann verður líklega ekki í liðinu um helgina og það er einfaldlega verið að bola honum út. Real Madrid vill aftur á móti fá sanngjarna upphæð fyrir leikmanninn.“