Cillessen til Barcelona

Barcelona hefur fest kaup á hollenska landsliðsmarkverðinum Jasper Cillessen frá Ajax.

Cillessen er ætlað að fylla skarð Claudios Bravo sem er að líkindum á leið til Manchester City.

Cillesen skrifaði undir fimm ára samning við Barcelona en talið er að Katalóníufélagið hafi borgað í kringum 15 milljónir evra fyrir þennan 27 ára gamla markvörð.

Cillesen er fimmti leikmaðurinn sem Barcelona kaupir í sumar. Áður voru varnarmennirnir Samuel Umtiti og Lucas Digne og miðjumennirnir Denis Suárez og Andre Gomes komnir á Nývang.

Cillesen mun berjast um markvarðastöðuna hjá Barcelona við Þjóðverjann Marc-André ter Stegen sem hefur verið í herbúðum liðsins frá 2014.

De Treffers –> NEC –> Ajax –> FC BARCELONADreams do come true#FCB #MesQueUnClub pic.twitter.com/eRcpTFgG1Z

— Jasper Cillessen (@JasperCillessen) August 25, 2016