Real náði ekki að bæta metið

Real Madrid náði ekki að vinna sinn 17. leik í röð í spænsku úrvalsdeildinni.

Þá tók liðið á móti Villarreal á heimavelli og varð að sætta sig við jafntefli, 1-1.

Real Madrid mun því deila metinu yfir flesta sigurleiki í röð í deildinni með erkióvinum sínum hjá Barcelona.

Bruno Soriano kom Villarreal yfir á lokamínútu fyrri hálfleiks en Sergio Ramos jafnaði á þriðju mínútu síðari hálfleiks.

Real pressaði afar stíft undir lokin en hafði ekki erindi sem erfiði. Liðið er engu að síður með tveggja stiga forskot á toppi deildarinnar.