Geir hefur valið 28 manna hópinn fyrir HM

Geir Sveinsson, þjálfari íslenska karlalandsliðsins í handbolta, hefur valið þá 28 leikmenn sem koma til greina í íslenska hópinn á HM í Frakklandi sem hefst í næsta mánuði.

HM-hópurinn telur 16 leikmenn en gera má tvær breytingar á honum á meðan á mótinu stendur.

Línumaðurinn Róbert Gunnarsson er ekki í hópnum. Arnór Atlason, Ásgeir Örn Hallgrímsson og Aron Pálmarsson eru hins vegar í þessum 28 manna hóp en þeir hafa glímt við meiðsli að undanförnu og óvíst er með þátttöku þeirra á HM.

Tveir nýliðar eru í hópnum, Óðinn Þór Ríkharðsson, leikmaður FH, og Selfyssingurinn Elvar Örn Jónsson. Þeir eru báðir fæddir árið 1997 og voru í íslenska U-18 ára landsliðinu sem varð í 3. sæti á HM í Rússlandi í fyrra.

Fimm leikmenn úr bronsliðinu eru í 28 manna hópnum: Óðinn Þór, Elvar Örn, Grétar Ari Guðjónsson, Arnar Freyr Arnarsson og Ómar Ingi Magnússon.

Íslenska liðið kemur saman til æfinga milli jóla og nýárs og spilar þrjá vináttulandsleiki í Danmörku áður en það heldur til Frakklands.

Fyrsti leikur Íslands á HM er gegn Spáni 12. janúar.

Íslenski hópurinn er þannig skipaður:

Markmenn:

Aron Rafn Eðvarðsson, SG BBM Bietigheim

Björgvin Páll Gústavsson, Die Bergische Handball Club

Grétar Ari Guðjónsson, Haukar

Hreiðar Levý Guðmundsson, Halden Topphåndball

Sveinbjörn Pétursson, Stjarnan

Línumenn:

Arnar Freyr Arnarsson, IFK Kristianstad

Bjarki Már Gunnarsson, EHV Aue

Kári Kristján Kristjánsson, ÍBV

Vignir Svavarsson, HC Midtjylland ApS

Vinstri hornamenn:

Bjarki Már Elísson, Fuche Berlin

Elvar Örn Jónsson, Selfoss

Guðjón Valur Sigurðsson, Rhein Neckar Löwen

Stefán Rafn Sigurmannsson, Aalborg Håndbold

Hægri hornamenn:

Arnór Þór Gunnarsson, Die Bergische Handball Club

Guðmundur Árni Ólafsson, Haukar

Óðinn Þór Ríkharðsson, FH

Vinstri skytttur:

Aron Pálmarsson, MKB Veszprém KC

Guðmundur Hómar Helgason, Cesson Rennes

Ólafur Andrés Guðmundsson, IFK Kristianstad

Sigurbergur Sveinsson, ÍBV

Tandri Konráðsson, Skjern Håndbold

Leikstjórnendur:

Arnór Atlason, Aalborg Håndbold

Gunnar Steinn Jónsson, IFK Kristianstad

Janus Daði Smárason, Haukar

Hægri skyttur:

Ásgeir Örn Hallgrímsson, Nimes

Geir Guðmundsson, Cesson Rennes

Ómar Ingi Magnússon, Aarhus Håndbold

Rúnar Kárason, TSV Hannover/Burgdorf