Tandri Már ekki með á HM | Vignir heim vegna veikinda

Geir Sveinsson hefur skorið niður um einn leikmann í landsliðshópi Íslands fyrir HM í handbolta sem hefst á miðvikudaginn.*

Tandri Már Konráðsson dettur úr hópnum en átján leikmenn tóku þátt í æfingamóti í Danmörku um helgina.

Vignir Svavarsson missti þó af síðasta leiknum, gegn Dönum í gærkvöldi, vegna veikinda og hefur verið ákveðið að hann haldi heim á leið til Íslands vegna þessa.

Hefur ekki verið ákveðið um þátttöku hans á mótinu í Frakklandi samkvæmt upplýsingum í fréttatilkynningu HSÍ til fjölmiðla í dag.

Aron Pálmarsson var ekki með á æfingamótinu í Danmörku um helgina vegna meiðsla og varð eftir hér á landi til að fá aðhlynningu. Hann heldur þó utan í dag og kemur til móts við landsliðshópinn ytra.

*Uppfært 13.45: Orðalagi setningarinnar hefur verið breytt frá fyrstu útgáfu fréttarinnar. Samkvæmt upplýsingum frá KSÍ er Geir ekki búinn að velja lokahópinn sinn fyrir HM í Frakklandi. Eingöngu er ljóst að Tandri Már verður ekki í lokahópnum, sem verður væntanlega tilkynntur á morgun, þriðjudag.

Íslenski hópurinn:

Markmenn

Aron Rafn Eðvarðsson, Bietigheim

Björgvin Páll Gústavsson, Bergischer HC

Línumenn

Arnar Freyr Arnarsson, Kristianstad

Bjarki Már Gunnarsson, Aue

Kári Kristján Kristjánsson, ÍBV

Vignir Svavarsson, Team Tvis Holstebro*

Vinstri hornamenn

Bjarki Már Elísson, Fuchse Berlin

Guðjón Valur Sigurðsson, Rhein-Neckar Löwen

Hægri hornamenn

Arnór Þór Gunnarsson, Bergischer HC

Vinstri skyttur

Guðmundur Hómar Helgason, Cesson Rennes

Ólafur Andrés Guðmundsson, Kristianstad

Leikstjórnendur

Arnór Atlason, Aalborg Håndbold

Gunnar Steinn Jónsson, Kristianstad

Janus Daði Smárason, Haukar

Hægri skyttur

Ásgeir Örn Hallgrímsson, Nimes

Ómar Ingi Magnússon, Aarhus Håndbold

Rúnar Kárason, Hannover/Burgdorf

*Vignir Svavarsson hélt heim til Íslands vegna veikinda og hefur engin ákvörðun verið tekin um framhaldið hjá honum.