Bjarki Már mættur í Garðabæinn

Landsliðsmaðurinn Bjarki Már Gunnarsson skrifaði nú síðdegis undir tveggja ára samning við Olís-deildarlið Stjörnunnar.

Bjarki Már hefur síðustu ár leikið með Aue í Þýskalandi en hefur nú ákveðið að snúa heim.

Hann hefur verið í lykilhlutverki í vörn landsliðsins síðustu ár og ljóst að þetta er mikill hvalreki fyrir Garðbæinga.

Bjarki Már lék með HK áður en hann hélt utan.

Á fundinum var einnig tilkynnt að búið væri að framlengja samningi við Einar Jónsson, þjálfara liðsins.