Töp hjá Íslendingaliðunum í Frakklandi

Nimes og Cesson-Rennes máttu bæði sætta sig við tap í leikjum sínum í frönsku úrvalsdeildinni í kvöld.

Nimes var nánast alltaf á hælunum á Chambery en varð að lokum að sætta sig við tap, 23-25. Snorri Steinn Guðjónsson skoraði tvö mörk fyrir Nimes en Ásgeir Örn Hallgrímsson komst ekki á blað.

Cesson-Rennes fékk skell á heimavelli, 28-37, gegn stórliði Montpellier. Geir Guðmundsson skoraði fimm mörk fyrir Cesson-Rennes en Guðmundur Hólmar Helgason lék ekki með liðinu vegna meiðsla.

Nimes er í níunda sæti deildarinnar en Cesson-Rennes því ellefta.