Strákarnir lögðu Lúxemborg

Íslenska karlalandsliðið í körfuknattleik vann góðan sigur á Lúxemborg á Smáþjóðaleikunum í dag.

Lokatölur 86-73 en íslenska liðið keyrði yfir andstæðinginn í lokaleikhlutanum sem okkar menn unnu 22-10.

Kári Jónsson var stigahæstur í íslenska liðinu með 18 stig og Kristinn Pálsson kom næstur með 13 stig. Kristófer Acox skoraði tíu.

Sjá má tölfræði leiksins í heild sinni hér.

Spiltíma var vel dreift á liðið og skoruðu ellefu leikmenn í íslenska liðinu. Jón Axel Guðmundsson spilaði ekki í dag en allir aðrir leikmenn komust á blað.