Sjáðu mörkin úr leik FH og Víkings Ó

Botnlið Pepsi deildar karla, Víkingur Ólafsvík, mætti í heimsókn til Íslandsmeistara FH í gær og unnu frækinn 2-0 sigur.

Staðan var markalaus í fyrri hálfleik, en á 56. mínútu leiksins skoraði Kenan Turudija með frábæru skoti fyrir utan teig og kom Víkingi yfir. Guðmundur Steinn Hafsteinsson innsiglaði svo sigur Ólsara á 79. mínútu.

Nánari umfjöllun um leikinn má sjá hér og hægt er að sjá mörkin í spilaranum hér að ofan.

Þjálfari Víkinga, Ejub Purisevic, sagði í viðtali við Vísi eftir leikinn: „Við höfum oft átt góða leiki gegn FH hérna. Umgjörðin skapar kannski stemmningu. Þetta var frábær leikur. Við vorum vel skipulagðir og alltaf inni í leiknum.“