Atli orðinn þjálfari Kristianstad

Atli Eðvaldsson, fyrrum landsliðsþjálfari, var í daginn ráðinn þjálfari sænska liðsins Kristianstad.

Þetta er lið í C-deildinni í Svíþjóð. Atli tekur við starfinu af Joakim Persson sem var rekinn.

Liðið er í níunda sæti í sinni deild og er aðeins tveimur stigum á undan liði sem er í fallsæti. Það er því spennandi sprettur fram undan hjá liðinu. Dóttir Atla, Sif, spilar með kvennaliði Kristianstad.

Atli var síðast þjálfari Aftureldingar árið 2014 en þar á undan þjálfaði hann Reyni í Sandgerði.