Meina þingi Katalóníu að koma saman

Stjórnarskrárréttur Spánar hefur bannað þingi Katalóníu að koma saman á mánudaginn. Forseti Katalóníu hefur heitið því að þingið muni ræða sjálfstæðisyfirlýsingu á næstu dögum en en forsætisráðherra Spánar segir að slíkt myndi einungis valda meiri skaða.

Atkvæðagreiðslan umdeilda fór fram á sunnudaginn en viðbrögð stjórnvalda Spánar voru harkaleg. Lögregluþjónar í óeirðarbúningum beittu kylfum og gúmmíkúlum gegn kjósendum og mótmælendum. Aðgerðir lögreglu hafa verið gagnrýndar víða um heim samkvæmt frétt Reuters. Rúmlega 900 manns slösuðust



Sjá einnig: Átök í Katalóníu



Carles Puigdemont, forseti Katalóníu, segist ekki óættast að enda í fangelsi fyrir skipulagningu atkvæðagreiðslu um sjálfstæði Katalóníu. Hann ætlaði að fara fram á að þingið lýsti yfir sjálfstæði á mánudaginn.

Mariano Rajoy, forsætisráðherra Spánar, segir að sjálfstæðisyfirlýsing Katalóníu gæti haft alvarlegar afleiðingar.

„Besta lausnin er að snúa aftur til laganna og að fá staðfestingu á því að einhliða sjálfstæðisyfirlýsing verði ekki lögð fram, því þannig væri hægt að komast hjá frekari skaða,“ sagði Rajoy í viðtali við spænskan fjölmiðil samkvæmt frétt Guardian.