Einkunnir Íslands: Guðjón Valur bestur

Guðjón Valur Sigurðsson var besti leikmaður Íslands í tapleiknum gegn Serbíu í kvöld að mati Vísis. Aron Pálmarsson fékk þó hæstu einkunn HB Statz.

HB Statz og Vísir munu birta einkunnir, tölfræði og umsagnir um leikmenn Íslands á meðan EM í Króatíu stendur en hér fyrir neðan má sjá einkunnir strákanna okkar fyrir frammistöðuna gegn Serbum.

Einkunnaskalinn sem Vísir miðar við er frá 1-6.

Guðjón Valur Sigurðsson 5

Einkunn HB Statz: 7,2

Mörk (skot): 8 (13)

Skotnýting: 61,5%

Löglegar stöðvanir: 1

Umsögn: Besti leikmaður Íslands. Hélt liðinu á floti í sókninni í fyrri hálfleik. Kærulaus í skotum og dauðafærum og það kostaði sitt. Lagði sig allan fram.

Aron Pálmarsson 4

Einkunn HB Statz: 7,4

Mörk (skot): 4 (7)

Skotnýting: 57,1%

Sköpuð færi (stoðsendingar): 8 (5)

Fiskuð víti: 2

Tapaðir boltar: 7

Löglegar stöðvanir: 1

Umsögn: Var tekinn úr umferð að hluta til en var engu að síður heldur slakur í íslensku sókninni í fyrri hálfleik. Mataði félagi sína af sendingum og skoraði mikilvæg mörk. Því miður sá leikmaður sem er með flesta tapaða bolta í keppninni. Það er ekki ásættanlegt hjá manni í hans stöðu. Hann er með liðið á sínum herðum en stóð ekki undir væntingum í kvöld.

Björgvin Páll Gústavsson 4

Einkunn HB Statz: 6,8

Varin (skot): 13 (41/2)

Hlutfallsmarkvarsla: 31,7%

Umsögn: Átti frábæran fyrri hálfleik en hélt ekki út í þeim síðari. Það er því miður hans saga í landsleikjum síðustu misserin. Klárlega okkar langbesti markvörður, engu að síður.

Ólafur Guðmundsson 4

Einkunn HB Statz: 6,4

Mörk (skot): 4 (9)

Skotnýting: 44,4%

Sköpuð færi (stoðsendingar): 4 (2)

Tapaðir boltar: 1

Löglegar stöðvanir: 5

Umsögn: Sterkur í vörn og skilaði sínu í sókn. Virkaði þreyttur undir lokin þegar mest á reyndi. Er orðinn í dag einn okkar albesti leikmaður en það vantaði kjark og orku í lokin.

Kári Kristjánsson 4

Einkunn HB Statz: 6,5

Mörk (skot): 4 (4)

Skotnýting: 100%

Tapaðir boltar: 1

Fiskuð víti: 1

Umsögn: Fann loksins taktinn á línunni og lék sinn besta leik í langan tíma. Er hins vegar afar seinn til baka og það kostaði sitt í leiknum. Ekki hægt að kvarta yfir hans frammistöðu. Hefði mátt að ósekju spila meira í seinni hálfleik.

Bjarki Már Gunnarsson 3

Einkunn HB Statz: 6,5

Löglegar stöðvanir: 6

Stolnir boltar: 1

Blokk (varin skot): 4

Umsögn: Hefur verið í erfiðu hlutverki og mikið á hann lagt. Byrjaði vel en týndist í íslensku vörninni í síðari hálfleik. Virkaði örþreyttur síðustu mínútur leiksins þegar mest á reyndi.

Arnór Þór Gunnarsson 3

Einkunn HB Statz: 6,3

Mörk (skot): 3 (6)

Skotnýting: 50%

Sköpuð færi (stoðsendingar): 2 (2)

Umsögn: Átti ágætan leik og skilaði sínu. Fær ekki úr miklu að moða en hefði getað nýtt færin sín betur. Þarf að gera mun betur ætli hann að eigna sér þessa stöðu.

Rúnar Kárason 3

Einkunn HB Statz: 6,0

Mörk (skot): 3 (10)

Skotnýting: 30%

Sköpuð færi (stoðsendingar): 3 (2)

Tapaðir boltar: 1

Löglegar stöðvanir: 5

Stolnir boltar: 1

Umsögn: Var slakur í vörn og fann engan takt í sókn í seinni hálfleik. Skilaði góðum mörkum í þeim síðari en agaleysi varð honum að falli og frammistaðan engan veginn ásættanleg.

Janus Daði Smárason 3

Einkunn HB Statz: 5,4

Mörk (skot): 0 (1)

Sköpuð færi (stoðsendingar): 2 (2)

Umsögn: Átti fína innkomu í fyrri hálfleik en náði ekki að halda út. Númeri of lítill fyrir vörnina, skortir reynslu en þegar komið er á þetta svið er það engin afsökun. Þarf að gera betur.

Ásgeir Örn Hallgrímsson 3

Einkunn HB Statz: 5,3

Löglegar stöðvanir: 3

Umsögn: Besti varnarmaður íslenska liðsins. Gjörbreytti varnarleiknum með innkomu sinni í fyrri hálfleik. Ónýttur í sókn og er það miður.

Ómar Ingi Magnússon 3

Einkunn HB Statz: 5,2

Mörk (skot): 0 (1)

Sköpuð færi (stoðsendingar): 1 (0)

Fiskuð víti: 1

Umsögn: Skilaði ágætu verki í fyrri hálfleik og hefði mátt prófa hann í hlutverki leikstjórnanda í síðari hálfleik. Hefur ekki náð að sýna það sem menn hafa verið að bíða eftir hjá honum.

Geir Sveinsson 3

Umsögn: Íslenska liðið mætti vel undirbúið til leiks í kvöld. Hann var fljótur að bregðast við í fyrri hálfleik en þegar mest á reyndi í síðari hálfleik virtist skorta lausnir. Þjálfarinn ber auðvitað ábyrgð og eru reynslumestu leikmenn Íslands þar ekki undanskildir. Síðustu fimmtán mínútur leiksins voru því miður hörmulegar.