Sverre saknar þess að vera á stórmóti í janúar

Sverre Andreas Jakobsson, þjálfari handboltafélags Akureyrar, ræðir tíma sinn í landsliðinu við heimasíðu Akureyrar en tilefnið er Evrópumótið í handbolta karla sem stendur nú yfir í Króatíu.

Sverre tók þátt í tíu stórmótum með íslenska landsliðinu frá 2007 til 2015 og vann meðal annars silfur á Ólympíuleikunum og brons á Evrópumótinu.

Sverre saknar þess að verja janúarmánuði á stórmóti í handbolta.

„Já klárlega, þetta var alltaf skemmtilegur tími. Ég var svo heppinn að fá að taka þátt í 10 stórmótum sem eru forréttindi og ég er þakklátur fyrir. Ég væri til í að taka eitt enn," segir Sverre í samtali við akureyri-hand.is.

Við söknum þess líka að hafa Sverre á stórmóti! | Akureyri Handboltafélag https://t.co/NWMnQlBp2G#handbolti#AkureyriHandbolti#ÁframÍsland

— Akureyri Handboltafélag (@AkHandbolti) January 16, 2018

Sverre á erfitt með að nefna eitt eftirminnilegt atvik frá landsliðsferlinum því þau séi einfaldlega of mörg. Ekki nema von enda var Sverre hluti af hálfgerðu gullaldarskeiði landsliðsins.

„Þau eru nokkur, það að vinna silfur á ÓL mun alltaf vera efst á blaði. Hins vegar mætti líka nefna þegar ég spilaði minn fyrsta leik, þegar við unnum Frakkana á HM 2007 var einstakt. Brons á EM 2010 og svo eitt sem gleymist ekki; það var tap á móti Ungverjum á ÓL12, þá hélt ég að við værum að fara alla leið. Liðið var í frábæru formi, vel spilandi og við höfðum getuna en..." segir Sverre en það má lesa allt viðtalið hér.

Stórmót Sverre með landsliðinu:

HM í Þýsklalandi 2007 - 8. sæti

EM í Noregi 2008 - 11.sæti

ÓL í Peking 2008 - Silfurverðlaun

EM í Austurríki 2010 - Bronsverðlaun

HM í Svíþjóð 2011 - 6. sæti

EM á Serbíu 2012 - 10.sæti

ÓL í London 2012 - 5. sæti

HM á Spáni 2013     - 12. sæti

EM í Danmörku 2014 - 5. sæti

HM í Katar 2015 - 11.sæti