Fyrrverandi forsætisráðherra Malasíu handtekinn

Lögreglan í Malasíu handtók Najib Razak, fyrrverandi forsætisráðherra landsins, vegna áskana um spillingu í dag. Búist er við því að hann verði ákærður á morgun. Najib er meðal annars sakaður um að hafa dregið að sér 700 milljónir dollara úr opinberum þróunarsjóði.

Breska ríkisútvarpið BBC segir að milljarðar dollara úr sjóðnum séu í óskilum. Rannsókn á Najib hófst eftir að hann tapaði óvænt í kosningum í maí. Sjálfur neitar hann allri sök.

Mikið magn af reiðufé, skartgripum og lúxusvörum fannst í húsleitum í fasteignum sem tengjast Najib. Lögreglan sagði að alls hafi verðmæti þess sem hald var lagt á numið um 273 milljónum dollara.

Najib er í farbanni en spillingarmál sem tengjast honum eru til rannsóknar í fleiri löndum.