Viðræður KSÍ og Erik Hamrén langt á veg komnar

Viðræður milli KSÍ og sænska knattspyrnustjórans Erik Hamren um þjálfarstöðu íslenska landsliðsins eru langt á veg komnar. Þetta kemur fram á fótbolta.net.

Erik Hamrén var þjálfari sænska landsliðsins frá árinu 2009 til 2016. Hann tók við starfinu á meðan hann var enn þjálfari Rosenborg en hann stýrði liðinu til sigurs í norsku úrvalsdeildinni 2009 og 2010.

Aðstoðarþjálfari hans hjá sænska landsliðinu, Marcus Allbäck, var staddur hér á landi og þykir líklegt að hann muni fylgja Hamrén í starfið.

Undir stjórn Hamrén komst sænska landsliðið á Evrópumótin 2012 og 2016.